Rinte ichi, frère !
J' t'arconnos ti, ch' loqu'teux qui cache à doupes avec et'
pancarte, in n'te ravise point ed' peur de s' raviser li-même.
Rinte ichi, frère. .
J' t'arconnos ti, ch' l'évacué sans papier. Ah, in a mis des
boîtes, des pâtes et pis du riz dins ches caddies ! Cha suffira-ti ?
Rinte ichi, frère.
J' t'arconnos ti, chômeur ed'longue durée, mate ed' pointer à
l' désouvrache. Té n'nas-ti intindu des promesses et des "si qu'in veut,
in peut !";
Rinte ichi, frère.
J' t'arconnos ti, ch'est facile, t'es pas de l' même couleur
que mi. In dit qu' té viens minger nou pain, "chacun sin pain, chacun s'
n'héring". Té n' comprinds point?
Rinte ichi, frère.
J' t'arconnos ti, ch' l'affligé, ch' tégneux, ch' maladieux.
Cache acor commint qu' te peux ête utile !
Rinte ichi, frère....
J' t'arconnos Ti dins tin berche qu' t'as voulu sauver ches
hommes !
Ma pinse, quand qu' cha s'ra not' tour ed' passer d'vant Ti, là
in Haut, si Té nous diras... Rinte ichi, frère !
Guy
DUBOIS - VDN du 7/12/2004